إغلاق القائمة
كل ما تريد معرفته عن انواع الساعات وافضل الانواع

كل ما تريد معرفته عن انواع الساعات وافضل الانواع

اخر تحديث :
    كل ما تريد معرفته عن الساعات وانواعها
    ساعات يد 

    سنتحدث في هذا الموضوع عن الساعات من حيث انواع الساعات وطريقة العمل وما هي افضل هذه الانواع وكيف تحصل عليها ونحن هنا لا نقصد 
     الساعات السمارت ولا السمارت باند ولكن نقصد الساعات العاديه .

    اولا تقسيمة الساعات

    الساعات بتتقسم حسب نوع الحركة الي شقين كبار :

    ساعات تعمل بالكوارتز (ساعات شغالة بحجر) 


    ودول حاليا بيمثلوا 96% من الصناعة وبيمثلوا 15% من الايرادات الكلي للصناعة

    ساعات تعمل ميكانيكياً 

     الساعات دي بتعتمد على تروس واليات صغيرة معقدة علشان تشتغل ودول بيمثلوا حاليا 4% من الساعات الي بتتباع عالميا ولكن بسبب غلو تمنهم بيمثلوا اكتر من 85% من الايرادات الكلية للصناعة
    ...
    خلينا نتكلم ببساطه
    الساعات الي مكتوب عليها Quartz دي ساعة بتحتاج بطارية لتشغيلها... البطارية دي بتخلي حجر كريستالي اسمه كوارتز يهتز بدرجة ٣٢,٧٦٨ هزة في الثانية... وبمجموعة مقاومات (حوالي 15 مقاومة كل مقاومة بتتقل الحركة الي النصف) بيتحول الي موتور بيتحرك 1 ثانية كل ثانية
    اول شركة صنعت الساعات الكوارتز هي شركة Seiko اليابانية واول ساعة تعمل بالكوارتز كان تمنها 1,250 دولار امريكي !(ما يوازي حاليا 15 الف دولار) وهي ساعة اسمها Astron الي تم انتاجها في 1969م ... لكن مع تطوير الصناعة... اصبح بالامكان امتلاك ساعة تعمل بالكوارتز ثمنها 1 دولار او اقل (17 جنيه مصري)
    حاليا اكبر مصنع للساعات الكوارتز هم الشركات اليابانية وتليها بعدها الشركات الصينية والشركات السويسرية والأمريكية
    ...
    بالنسبة للشركات اليابانية
    فاحنا عندنا 7 شركات كبار في صناعة الساعات
    (1) شركة سايكو Seiko
    (2) شركة كاسيو Casio
    (3) شركة سيتزن Citizen
    (4) شركة اورينت Orient
    (5) شركة البا ALBA المملوكة لشركة Seiko
    (6) شركة كيو اند كيو Q&Q المملوكة لشركة Citizen
    (7) شركة Curren ودي مش مشهورة اوي زي الشركات الي فوق
    .
    احسنهم قيمة مقابل السعر هي ساعات كاسيوا وساعات Q&Q،،، واحسنهم خامات وصناعة هي ساعات Citizen !
    .
    في الغالب دي البراندات الي هتلاقيها موجودة بقوة في السوق المصري... بتستحمل ورخيصة نسبياً
     للشراء من هنا


    ما هي احسن انواع الساعات

    في الحقيقة انا دايما بنصح اي حد يجيب Casio Edifice الي بادئة بسعر الف جنيه مصري
    ميزة الايدفيس هي شكلها الي بيجمع بين كونه شبابي وفي نفس الوقت راقي جداً،،، بالبلدي تنفع Casual وفي نفس الوقت تنفع Dress Watch ... يعني تخش بيها الديسكوا وتصيف بيها براحتك وتصور بيها على الرملة او تلبسها وانت داخل الاوبرا على البدلة السموكن
    ممكن تشوفها من هنا 

    اهم عيب في الايدفيس هي ان منها كتير مضروب في السوق ... مضروب ده الي هو High-Copy وخلافه
    ...
    لكن مش بس كدة
    عندك بقا براندات تانية بتستخدم الحركة Movement اليابانية علشان تشغل بيها ساعاتها ال Quartz
    بالبلدي كدة شركة Citizen عندها شركة فرعية اسمها Miyota الشركة دي بتصنع الحركة (الاجزاء الداخلية للساعة) وبتبيعها وانت تحط اسمك عليها كبراند وتقفلها بنفسك
    .
    👈 بعض الشركات دي صينية زي Naviforce و Tendence و IBSO و Megir و Skmie (طبعا اسعارهم رخيصة جدا ويعتبروا ارخص ساعة ممكن تشتريها بحركة يابانية) 👇
    .
    👈 وبعضها من اصول سويسرية زي Fossil و Invicta و Wenger و Tissot
    .
    👈 وبعضها من براندات تجارية زي كالفين كلاين و Guess و Nautica و Emprio Armani و Esprit وغيرها
    .
    بعض الشركات بقا بتصنع الحركة دي في مصانعها الخاصة ... بالبلدي هي الي بتقوم بتصنيع الساعة بما فيها مكوناتها الداخلية (طبعا يعني الساعات اليابانية اكيد كل شركة فيهم بتصنع حركتها الخاصة)
    عندك بقا الشركات دي هي
    👈 شركة Timex الأمريكية

    .
    👈 شركة Swatch السويسرية... دي اكبر شركة سويسرية في تصنيع الساعات الي بتعمل بالكوارتز (تعمل ببطارية) ودي انضف حركة ممكن تشتريها تحت حركة Citizen Echo Diver !
    ...
    اقرأ أيضا
     الساعات الميكانيكية

    مقالات متعلقة