يعني أيه كلمة روت ROOT ؟!
بص يا سيدي في الكومبيوتر انت لو أدمن Admin بيبقي ليك صلاحيات تعديل حتى على ملفات النظام نفسها .في الأندرويد لحد Android 2.1 كانت جوجل بتحط خاصية في Developer Options انت تاخد صلاحيات ROOT بانك تقدر تعدل على ملفات النظام .
لحد ما جوجل اكتشفت ان بعض التطبيقات بتستخدم الخاصية دي كثغرة علشان الاعلانات وmalware ! .
هنا جوجل من اول اندرويد 2.3 وهي قفلت الخاصية دي ... بس ممكن لو انت قدرت تعدل على ملفات النظام تقدر تحصل على صلاحيات الروت .
اول طريقة عن طريق مطور اسمه ChainFire عمل تطبيق تحت اسم SuperSU .... وده كنت بتفلش ملف عن طريق recovery معدل زي Clockwork MOD (اقدم ريكفري معدل للاندرويد) .
لحد اندرويد 7.0 او اندرويد نوجا ... بسبب بعض التطبيقات برده الي كانت بتسرق بيانات المستخدمين باستخدام Google Pay او Android Pay هنا جوجل حطت طريقة اسمها SafetyNet ودي طريقة جوجل بتوقف بيها الدفع عن طريق الانترنت لو الجهاز عليه روت (هي الفكرة اكتر انك ممكن باستخدام الروت تنزل متجر معدل ينزلك التطبيقات المدفوعة بشكل مجاني !)
بعض التطبيقات زي Snaptchat نفسها كانت بتقف لانها بتحتاج الى SafetyNet .
هنا ظهر تطبيق Magisk وهو تطبيق بيتيح عمل روت بدون التعديل على ملفات النظام ويقدر يخفى نفسه عن النظام علشان التطبيقات زي سنابشات تشتغل بسهولة .
فحاليا اكتر طريقة مشهورة للروت هي عن طريق تطبيق Magisk ودي بيتفلش عن طريق ريكفري معدل زي TWRP .
اقرأ ايضا
ما هو البوت لودر Bootloader
مميزات الروت
ميزة الروت انك ممكن تشيل بعض البرامج المضافة للنظام زي Google Play Movies والي محدش بيستعملها دي غير انك ممكن تعدل على اساسيات في النظام زي تعدل launcher الاساسي وخلافه .دي غير انك ممكن تضيف Mods او modules بتحط ميزات غير موجودة في جهازك لكن مدعومة من الهاردوير زي ميزة الشحن السريع من كوالكوم او التسريع القسري للمعالج .
يعني فيه طريقة انك ترفع clock rate او تردد معالج سنابدراجون 625 من 2 الي 2.2 جيجا هرتز (يبقى زي معالج سنابدراجون 626 !) .